Cymryd Rhan
Gwirfoddoli gydag Ymddiriedolaeth Natur Gogledd Cymru


A fyddech yn hoffi gwneud rhywbeth er lles eich bywyd gwyllt lleol?
A fyddech yn hoffi gweithio mewn tîm a dod i adnabod pobl newydd?
A fyddech yn hoffi gwella eich CV gyda phrofiad addas?


Mae gennym nifer o wirfoddolwyr brwd ac ymroddedig sy'n ymwneud â phob agwedd ar waith yr Ymddiriedolaeth a hebddynt, ni allem oroesi. Beth am ymuno â ni?

Gallwch helpu bywyd gwyllt mewn sawl ffordd

Gwaith ymarferol mewn gwarchodfeydd natur yng nghefn gwlad
Helpu i gynnal arolygon ar fywyd gwyllt
Monitro ceisiadau cynllunio
Gofalu am grwpiau Gwylio Bywyd Gwyllt i blant
Trefnu digwyddiadau neu helpu yn un o'n siopau
Cyhoeddusrwydd ac ymgyrchu
Cynorthwyo gyda gweinyddu a rhedeg yr Ymddiriedolaeth Byd Natur

Pwy sy'n gwirfoddoli gyda ni?

Mae ein gwirfoddolwyr yn bob math o bobl yn dod o wahanol gefndiroedd, yn cynnwys myfyrwyr, pobl mewn gwaith, pobl wedi ymddeol, swyddogion proffesiynol a lleygwyr llwyr, pobl gydag anghenion arbennig, pobl hŷn a phlant.
Rydym yn ceisio cael hyd i waith gwirfoddol sy'n addas i bawb sydd eisiau helpu.

Os hoffech wirfoddoli ac os oes gennych unrhyw ymholiadau cyffredinol ynghylch gwirfoddoli, cysylltwch â Resi Tomat ar 01248 351541 neu e-bost: resitomat@wildlifetrustswales.org

Gwaith Ymarferol yn ein Gwarchodfeydd

Cynhelir dyddiau gwaith rheolaidd yn ein gwarchodfeydd natur, yn rheoli rhywogaethau a chynefinoedd ac yn sicrhau mynediad i ymwelwyr. Mae gennym dri phrif grŵp gwaith:
Yn ein gwarchodfeydd yng Ngwynedd, Conwy a Sir Ddinbych - yn cyfarfod yn rheolaidd bob dydd Mercher. Cysylltwch â ni i gymryd rhan!
Yn ein gwarchodfeydd ar Ynys Môn ac yn ardal Bangor - cysylltwch â ni am galendr o ddigwyddiadau!
Yn ein gwarchodfeydd yn Sir y Fflint ac ardal Wrecsam - cysylltwch â ni am restr o grwpiau gwaith ar benwythnosau!

Gwaith Arolygu / Monitro

Ceir mwy o gyfleoedd nag erioed i ganfod gwybodaeth am fywyd gwyllt lleol.
Cymerwch ran i berffeithio eich sgiliau adnabod glöynnod byw neu blanhigion, i fapio bywyd gwyllt lleol neu i gael hyd i lygod dŵr.
Boed yn arbenigwyr ar fywyd gwyllt ai peidio, rydym yn chwilio am bobl i rannu eu gwybodaeth neu bobl sydd eisiau dysgu sgiliau newydd, a chael gweld yn union pa blanhigion ac anifeiliaid sy'n byw yn y rhanbarth.
Os hoffech gymryd rhan yn y gwaith arolygu, cysylltwch â Resi Tomat os gwelwch yn dda.

Gwaith arall

Ar gyfer cyfleoedd gweinyddu, addysgol, gwerthiant a chodi arian, a phob cyfle arall i wirfoddoli, cysylltwch â Resi Tomat ar 01248 351541.

Y Swyddi Gwirfoddoli Gwag Presennol

Rydym yn chwilio bob amser am wirfoddolwyr i lenwi swyddi penodol.
Dim ond rhai o'r cyfleoedd sydd ar gael ar hyn o bryd yw'r canlynol.

Swyddfa Bangor

Derbynyddion Dros Dro / Cynorthwy-ydd Cylchgrawn / Cynorthwy-ydd Digwyddiadau / Swyddog Cyhoeddusrwydd Cynorthwyol / Cynorthwy-ydd Ffeilio / Cynorthwy-ydd Gwerthiant

Swyddfa Loggerheads

Cynorthwy-ydd Swyddfa / Swyddog Cadwraeth Cynorthwyol / Arolygwyr Bywyd Gwyllt

Gwarchodfa Natur Cemlyn

Warden Morwenoliaid yr Haf. Am wybodaeth bellach, llwythwch daflen Wardeniaid Gwirfoddol Cemlyn dros yr haf.

Siop Parc Gwledig Chwarel Breakwater, Caergybi

Gwerthwr

Siop Parc Gwledig y Gogarth, Llandudno

Gwerthwr

Bwletin gwirfoddoli

Rydym yn anfon bwletin misol at ein gwirfoddolwyr i gyd drwy e-bost yn sôn am gyfleoedd gwirfoddoli presennol, yn amrywio o dasgau unigryw i swyddi gwirfoddol hirdymor. Os hoffech gael eich ychwanegu at ein rhestr bostio, anfonwch e-bost at Resi Tomat.

Yn gwirfoddoli eisoes?

Rydych yn gwybod eisoes pa mor bwysig yw eich ymdrech i waith Ymddiriedolaeth Natur Gogledd Cymru ac felly beth am ein helpu ni i gofnodi'r holl gyfraniad gwirfoddol at waith yr Ymddiriedolaeth drwy lenwi amserlen y gwirfoddolwyr.
Llwythwch Amserlen y Gwirfoddolwr (16k.pdf) o'r fan yma (unigol).